條氣唔順、點算好？-減少人病? 減少病人？ 

經過病房又見到APN發爺正在”哦” 緊陳先生要去戒煙。陳先生是個四十多歲比較粗豪的男仕。他間中也會因哮喘病發作入院治療。據聞他是在娛樂場所工作的、由最初吸二手煙，最後變成自己也吸煙。因此他的哮喘病也開始發作多了。停下來跟他傾了幾句，知道他去年成了家，最近還榮昇做了爸爸。恭喜他之餘，心想這是勸人戒煙的好機會。

鄭重的告訴他如果一個哮喘病人吸煙的話，他哮喘病發病率會大增同時病情也會轉差[1]。吸入式類固醇[controller] 將會變得無咁有效[2]，他的肺功能也會較快衰退[3]，甚或可能變得似肺氣腫模樣[4]。直接了當問他:「你都唔想經常病發無得陪個仔架[5]! 又或者將來唔夠氣同個仔去踢波!」見陳先生面色一沉, 順勢再引述一個歐洲社區健康研究[6], 它發現如果父母吸煙的話, 會對年幼子女的肺部發育有不良影響、甚或引發類似哮喘病的病徵。初為人父的陳生立即變成一個小學生般留心我的說話。我就更加嚴正地指出: 「陳生，如果你不幸地遺傳了哮喘病給下一代, 而他們又吸入二手煙，他就會病發特多, 常常”幫襯”急症室[7]」。陳先生跟我討價還價:「食少幾支煙、咁咪得囉!」可是醫學研究[8]察覺有哮喘的兒童就算只是接觸少量二手煙也會引發夜間病發啊!大多數魁禍首都是由於父親製造二手煙[9]呢。

經過我一輪繪形繪聲後, 陳生好明顯對戒煙無之前那般抗拒。正如豹哥在電視常常說搵個理由去戒煙。我就覺得為了自己和家人健康、為了長命多七年[10]，更能見到下一代成長，今天就應決心去戒煙, 無需要等埋大學”首副”或者新界個位”發叔”!!不過就要等埋APN發爺去搵多些戒煙資料。

 

其實勸人戒煙或幫人戒煙，都應該屬於基層醫療[Primary Medical Care] 範籌，但香港醫療政策一向忽視預防疾病，沒有做好基層醫療，大不了人真的病了就去公營醫院[secondary medical care]吧。多年來沒好好注重預防工作、加上人口嚴重老化，現在終於爆煲了，公營醫院經常有人滿之患，無論病人同醫護人員都叫苦連天。現在各大公營醫院的高層就想盡辦法去減少病人入院[reduce admission] 、但他們的核心方案卻不是減少D人病[Reduce patient] 。當然要去減少人病所付出的力度遠遠多過減少病倒的人入到院! 我不明白這本末倒置的邏輯，當然話事權永遠只在”坐”係辦公室工作的人手中、而不是在”站”在前線工位的人。

 

參考文獻

1]Guidelines for the diagnosis and management of asthma. NIH Publication No. 07-4051Bethesda, MD: National Institutes of Health ;2007

2]Influence of cigarette smoking on inhaled corticosteroid treatment in mild asthma. Thorax 2002;57:226-30

3]Acute effects of cigarette smoking on inflammation in healthy intermittent smokers. Respir Res 2005;6:22

4]Smoking and asthma: clinical and radiological features, lung function, and airway inflammation. Chest 2006;129:661-8

5]Role of symptoms and lung function in determining asthma control in smokers with asthma. Allergy 2008;63:132-5

6] The role of smoking in allergy and asthma: Lessons from the ECRHS-Curr Allergy Asthma Rep 2012;12:185-191

7]Effects of second hand smoke exposure on asthma morbidity and health care utilization in children: a systemic review and meta-analysis –Ann Allergy Asthma Immunol 2015;115:396-401

8]Environmental tobacco smoke exposure and nocturnal symptoms among inner-city children with asthma J Allergy Clin Immunol 2002;110:147-153

9]Environmental tobacco smoke and its effect on the symptoms and medication in children with asthma. Int J Environ Health Res 2009;19:97-108

10]A national survey of the acceptability of quitlines to help smoking. Pediatrics 2006;117:695-700

 

***為保障個人私隱及達到教育效果，因此文中案例可能由真實及/或虛構病例改編而成***

#文章已於2016年1月13日刊登於輔仁網下文教科之科學科技組

#文章已於2016年1月13日刊登於輔仁網下文教科之科學科技組